مدرب ريال مدريد ولا دكتور.. جامعة عطات أنشيلوتي دكتوراة فخرية وغادي يلقي واحد المحاضرة

بشكل رسمي، خاصنا نوليو نطلقو لقب "الدكتور" على مدرب ريال مدريد، الطالياني كارلو أنشيلوتي، بعدما حصل على شهادة الدكتورة الفخرية من جامعة بارما في الطاليان.
على حسب ما قالت الصحيفة ديال "موندو ديبورتيفو" الصبليونية، فكارلو أنشيلوتي عطوه هاد الدكتورة الفخرية، بعدما اقتارحو قسم الطب والجراحة في هاد الجامعة، ووافقات عليه الوزيرة ديال الجامعات في الطالبان.
أنشيلوتي، حصل على هاد الدكتوراة في تخصص علوم وتقنيات النشاط الحركي الوقائي.
المدرب ديال ريال مدريد، لي غادي يتسالا العقد ديالو مع "الميرينغي" الصيف الجاي، غادي يلقي واحد المحاضرة، العنوان ديالها هو: "كرة القدم: مدرسة حياة".