قرار توصف بالتاريخي.. منع استعمال صباغة حمرة كتكون ف الحلوى لي كياكلو الدراري والكيكة والخبز والمونادا.. وها علاش

وقع حاكم ولاية كاليفونيا الميريكانية، على واحد القانون تاريخي، كيمنع بيه فمرة بيع واستهلاك الماكلة لي فيها واحد المادة ديال الصباغة الحمرة، ولي كنلقاوها في بزاف الأنواع د القص، خاصة لي كياكلوه الدراري الصغار.
الصحافة ديال ميريكان، زيد عليها منظمات ديال المجتمع المدني في هاد البلاد، وصفات هاد القانون بالتاريخي، حيت كيجي بعدما صدرات بزاف التقارير لي كتحذر من هاد المادة الحمراء لي كتسبب بزاف الأمراض، خاصة الكونصير.
هاد المواد، بالأخص وحدة سميتها "الصباغة الحمرا رقم 3′′، كنلقاوها فبزاف اللعيبات بحال حلويات الدراري الصغار وبيموات، الكيكات لي فالباكيات، المونادا، والزيوت النباتية.
وهاد المادة المسمومة كتستعمل تقريبا في العالم كامل للخبز باش كيولي شاد فراسو ومنفوخ.