الوداد ما مخلين حتى حاجة للصدفة فالمنافسة الإفريقية واختارو 2 تيرانات فين يلعبو

قرر الوداد الرياضي يعتمد على 2 تيرانات فالماتش ديالو فعصبة أبطال إفريقيا، حيث تيران مركب محمد الخامس بالدار البيضاء غيتسد.
وحسب مصادر مطلعة، فالوداد الرياضي اختارو تيران مراكش الكبير وتيران أدرار فأكادير لاستقبال ماتشات الفريق فعصبة أبطال إفريقيا، اللي من المنتظر تبدا يوم 25 نونبر الجاي بإجراء مرحلة المجموعات، اختيار الوداد لجوج تيرانات فنفس الوقت، جا تحسبا لأي طارئ يقدر يعرفو تيران من الجوج.
الوداد الرياضي حاليا مركزين على بطولة السوبر ليك الإفريقي، اللي كيمثلو المغرب فأول نسخة منها وغرضهم المنافسة على اللقب وماشي فقط المشاركة، ولاعبين ضد إينييمبا النيجري فربع النهائي.
وغيمشيو الوداد الرياضي فطيارة خاصة إلى نيجيريا باش يلعبو ماتش الذهاب يوم 22 أكتوبر الحالي، أما ماتش الروتور غيتلعب فالمركب الرياضي محمد الخامس بالدار البيضاء يوم 28 أكتوبر، مع العلم أن دونور غيتسد يوم 30 أكتوبر، وغيبقى محلول للوداد استثناء فالسوبر ليك حتى يسالي الفريق المشاركة ديالو فالمسابقة اللي غتسالي 11 نونبر الجاي.