البطولة: الوداد خداو الصدارة بعدما عمرو اتحاد طنجة فماتش ضرب فيه الشرقي البحري هاتريك

خداو الوداد الرياضي صدارة البطولة الاحترافية، بعدما ربحو المضيف ديالهم اتحاد طنجة اليوم السبت فتيران سانية الرمل فتطوان، ضمن الدورة 6 من منافسات البطولة الاحترافية.
الوداد الرياضي شدو اتحاد طنجة دارو فيهم ما بغاو، وعمروهم بثلاثة لزيرو فماتش تألق فيه المهاجم الشرقي البحري اللي ضرب هاتريك على الطنجاويين، فالدقيقة 19، و65، و76، وكل هدف ينسيك فالآخر.
وبعد هذا الرباح خداو الوداد الرياضي 3 بوان مهمة، رفعو بها رصيدهم إلى 13 نقطة وطلعو لصدارة البطولة الاحترافية بشكل مؤقت، أما اتحاد كيحتل المركز 12 برصيد 5 النقاط.