واقف على شغلو.. الناصيري حضر حصة التدريب الأخيرة ديال الوداد قبل ماتش سيمبا وهز المورال للفريق

اختتم الوداد الرياضي الاستعدادات ديالو لمواجهة سيمبا التنزاني في إياب ربع نهائي عصبة أبطال إفريقيا، وسط أجواء إيجابية ومعنويات مرتفعة بين أفراد العائلة الودادية اللي تجمعت كاملة اليوم وواقفة لتحقيق التأهل إلى دومي فينال.
وأجرى الوداد الرياضي هاد العشية أخر حصة تدريبية له قبل مواجهة سيمبا التنزاني، وعرفت الحصة التدريبية حضور سعيد الناصيري رئيس النادي باش يحفز اللاعبين ويشجعهم على أنهم يربحو ويتأهلو إلى دومي فينال ويفرحو الجماهير الودادية.
وبتواجد سعيد الناصيري خلال الحصة التدريبية، كانو اللاعبين دالوداد مرتاحين بزاف وناشطين، وحتى الطاقم التقني للفريق بقيادة الإسباني كارلوس كاريدو، حيث البريزيدون رجع الثقة في الفريق من بعد خسارة الذهاب وصفى الأجواء وسط الكروب.
وغيدخل الوداد الرياضي بعد الحصة التدريبية الأخيرة بواحد الفندق بكازا باش الفريق يتكونسونطرا على الماتش، وغدا الجمعة أمام سيمبا يكون واجد ويربح بأكثر من 2 لزيرو ويحقق التأهل إلى دومي فينال عصبة أبطال إفريقيا اللي الواك هو حامل لقبها.