رسالة مثيرة من شيرين لجمهورها بعد تراجعها عن الإعتزال

نشرت النجمة المصرية شيرين عبد الوهاب على صفحتها على "فيسبوك" رسالة إلى جمهورها "الحبيب" قالت فيها: "أحيانا بنتعرض لضغوط أكبر من طاقتنا، الفترة اللي فاتت كانت صعبة عليا جداً لظروف شخصية وضغط شغل لفترة طويلة وهجوم إعلامي غير مبرر واحساسي بانشغالي في العمل وتأثيره على بناتي وأسرتي. عارفة إن الخبر كان صادم للكاره والمحب ليا بس أنا كنت حاسة انه الابتعاد هو الحل في اللحظة دي، لحظة حسيت فيها بتعب حد من عيلتي، وحسيت إن الدنيا مش مستاهلة وإن كل لحظة بعيدة عن اللي بحبهم هي لحظة ضايعة من عمري".
وأضافت: "آسفة على القلق اللي سببتهولكم، بس صدقوني، مشاعركم هي اللي خلتني أراجع نفسي وحبكم هو إللي حسسني إن صوتي مش ملكي وإن الفن ملوش علاقة بضغوطات عليا، أما عن رجوعي، فأنا بارتب بس بعض الحاجات وبعمل ترتيبات".
وتابعت في الرسالة "أحب أشكر كل من ساعدني إني أتخطى محنتي من جمهوري وفنانين واعلام مصري وعربي نزيه لا يفبرك ولا يشمت و لا يشخصن الأمور أو يستنتج سيناريوهات".
وختمت "هابعد لفترة أجازه مع عيلتي وبعدها إن شاء لله أعود تاني للعمل. مرة أخرى، شكرا لمن ساندني، وسامحت من ضايقني".