لبنى بنهيمة..مغربية لاحقت الملك في شوارع البيضاء من أجل صورة

نشر سفيان البحري، مدير صفحة الملك محمد السادس على موقع التواصل الاجتماعي فايس بوك، صورة لفتاة تدعى لبنى، التقت الملك محمد السادس أمس الخميس في الدار البيضاء، تحديدا في شارع الزرقطوني، وهي الفتاة التي تم تصويرها بكاميرا هواة وهي تلتقط صورا مع الملك بحضور حراسه الشخصيين.
وقالت لبنى بنهيمة، في حديث مع مدير صفحة الملك محمد السادس سفيان البحري " كنت فشارع الزرقطوني مع ديك الربعة ونص وبان ليا كاين نشاط غير عادي قلت واقيلا الملك غايدوز من هنا، شويا كايبانو ليا البوليس للي فالطريق كايعطيو التحية، درت نشوف ماتوقعتش سيدنا غادي يكون مورايا، هبطت الزاجة ديال السيارة وخرجت راسي وبديت كانسلم عليه وقلت لو بغيت صورة".
وأضافت لبنى لسفيان البحري: " سيدنا كان كايهدر مع المستشار ديالو فؤاد عالي الهمة، وأنا قلت نبقا تابعاه وخا نبقا غي نشوف فيه، بقيت تابعاه واحد الشويا وهو يشوف فيا وقال ليا: واخا مرحبا، بقينا غاديين قد قد فالطريق حتا وصلنا لشارع المسيرة وهو يوقف وأنا نزلت من الطوموبيل سلمت عليه وقال ليا عطي التيليفون للحارس باش يصورنا"، مضيفة" منين تصورت وسالينا جاو عندي بزاف ديال الحراس دايرين السماعات فودنيهوم قلت ليهوم شكون نتوما قالو ليا حنا مع سيدنا من الولاية عطينا لاكارت، خداوها صوروها وقالو ليا صيفطي لينا الصورة، سولتهوم قلت ليهوم واش غادي تعطيوها ل سفيان البحري."❕