ادومة .. المثلي الشهير يتعرض لمحاولة اغتيال بعد تهديدات مخرج سينمائي

أدم لحلو، الناشط الفيسبوكي الشهير و المعروف بإسم أدّوومة، تعرّض اليوم فطنجة لمحاولة إغتيال من طرف ثلاثة أشخاص إعترضوا سبيلو و بقاو عليه بلعصا و حاولوا يحيّدو ليه السروال أمام مرأى و مسمع من المواطنين.
هادشي كيوقع من بعد أيام على تدوينة لمخرج سينيمائي معروف على صفحتو فالفيسبوك دْعا فيها إلى إغتصاب أدم لحلو صراحةً بسبب مثليته المُعلنة.
ادومة .. المثلي الشهير يتعرض لمحاولة اغتيال بعد تهديدات مخرج سينمائي
أدم لحلو اللّي كيتابعو أكثر من 200 ألف واحد، هادي أكثر من عامين و هو كينشر فالكونط ديالو و كيعبّر بكل حريّة على أرائو و كيدير لايفات جريئة ما عمّر شي حدّ تلكّا ليه بالرغم من الإنتقادات و السبّان اللّي كان كيجيه فالتعليقات على صفحتو.
الغريب فالأمر هو أن الناس اللّي إستنجد بيهم أدم ومنهم الامن والجمعيات الحقوقية باش يعتقوه ما تسوّقوش ليه و ختارو الحياد السلبي اللّي كان غا يعرّض حياتو للخطر لولا سائق طاكسي اللّي شاف المشهد و تدخّل فالوقت المناسب وهزّو دّاه لدارو.