أكد النجم المغربي إبراهيم دياز لاعب ريال مدريد الأسباني انه اختار يلعب للمغرب عن قناعة، وماشي حيث إسبانيا ما عيطاتش له، ونفى واش حاول يدير الضغط على الصبليون باش يعيطو له للمنتخب الإسباني. وفحوار دارو إبراهيم دياز مع موفيستار فوتبول الإسباني، كشف إبراهيم دياز على حيتيات اختيار للمغرب وقال: "ما درت حتى ضغط على الصبليون، أنا كنحس براسي إسباني 100% ومغربي 100%". وكمل إبراهيم دياز: "المغرب وإسبانيا عطاوني حب كبير وبجوجهم بلدان زوينين، كبرت فإسبانيا والجذور ديالي مغربية". ونفى إبراهيم دياز واش انه كان كيتسنى اسبانيا عيطو له يلعب معه، واكد انه مقتنع باختيار المغرب، وقال: "حسمت القرار ديالي، وما فكرتش واش إسبانيا غيعيطو ليا باش نحسم هذا القرار، أنا ديما كنختار بقلبي وعندي أحلام بسيطة و الطريقة باش تعملو معيا المغرب والمشروع اللي قدموه ليا مزيان ليا وبزاف".