رضا الجعدي: مازال ما تسرطش لينا إقصاء الوداد من الموندياليتو

مازال مكونات الوداد الرياضي من جمهور ولاعبين ما تسرطاتش لهم أن الحمرا تقصات من ربع نهائي كأس العالم للأندية، السبت اللي فات، مع الهلال السعودي، والفريق عجز يتجاوز الماتش الأول له فالبطولة واخا راه منظمة بالمغرب وسط الجماهير المغربية.
رضا الجعدي حتى هو من اللاعبين ديال الوداد اللي كيتحصرو على إقصاء بطل المغرب وإفريقيا من الموندياليتو، وخرج غير دابا يطلب المسامحة من الجماهير الودادية وتأسف لها على مصير الفريق فالموندياليتو.
ونشر رضا الجعدي ميساج فأنستغرام للوداديين وقال لهم: "الرحلة سالات.. كنا نأمل أنها تسالي فوقت لاحق من الصعب تسرط لينا، حيث اعتقدنا أنه كان من الممكن نستمرو فالحلم".
الجعدي حاول يخفف على جماهير الوداد وقالهم: "شكرا جزيلا لجميع أنصار الوداد والمغاربة على الدعم والحماس اللي قدموه خلال هاد المسابقة وغنرجعو.. ديما وداد".