خلل فنظام "گوگل" هبط الدرهم للقاع وخلع المغاربة.. وبنك المغرب: هادشي ماكاينش منو وصرف الدرهم باقي هو هو

تصدمو المغاربة من أرقام نشرها گوگل لسعر صرف الدرهم، بينات تراجع كبير أمام الدولار والاورو، قبل ما يتفهم أن هاد القفزة غير عطب تقني وأن قيمة الدرهم لا مازال فمستواها الطبيعي.
وخرج بنك المغرب بيان رسمي، كذب فيه هادشي واكد ان قيمة صرف الدراهم اليوم 18 يناير 2023 مازالة هي هي، اي تقريبا 11 اورو.
واضاف البيان ان الموقع الموثوق الوحيد فهادشي ديال صرف الدرهم هو منصة بنك المغرب وبلومبرگ.
وبينات واجهة "گوگل" التلقائية أن الدولار ولا كيساوي كثر من 17 درهم، وهادشي صدم وخلع المغاربة اللي بارطاجاو بيناتهم سكرينشوت وعلقو على الامر.