الرجاء ربحو طنجة وزادو غرقوها وطلعو فترتيب البطولة

رجع فريق الرجاء الرياضي للنتائج الإيجابية من بعدما ربح البارح فتيران المركب الرياضي محمد الخامس فكازا الضيف ديالو اتحاد طنجة، ضمن الجولة 11 من منافسات البطولة الاحترافية لكرة القدم.
ونجح الرجاء الرياضي فتحقيق الرباح فالمباراة بنتيجة 3 أهداف مقابل زيرو، وخرج فالشوط الأول متقدم بنتيجة 2 أهداف لزيرو، ماركاهم كل من حمزة خابا فالدقيقة 28، وجمال حركاس فالدقيقة 44، وفالجولة الثانية رجع حمزة خابا وماركا الهدف الثالث للرجاء الرياضي فالدقيقة 54، وظلت النتجية كيفما هي حتى سالا الماتش بانتصار الخضر.
ورفع الرجاء الرياضي الرصيد ديالو من بعد هذا الرباح إلى 17 نقطة وصعد إلى المركز 4 ، وصبحت كتفصلهم 5 النقاط على الصدارة، أما اتحاد طنجة فزادو غرقو فالمركز الأخير وعندهم غير 2 نقاط، هاذ الخسارة هي 9 ديالهم فهاد الموسم من 11 ماتش لعبوه.