الفيفا اختارات ياسين بونو عريس ماتش المغرب وإسبانيا

توج ياسين بونو حارس مرمى المنتخب الوطني المغربي كأحسن لعاب فماش المغرب وإسبانيا فثمن نهائي كأس العالم قطر، اليوم الثلاثاء وتألق بزاف فالماتش وساهم فتأهل الأسود لربع نهائي البطولة.
واختار الاتحاد الدولي لكرة القدم "الفيفا"، لكول ياسين بونو، كأفضل لعاب فالماتش وعطاتو جائزة رجل المباراة من بعدما تألق فالمواجهة وحبس ضربات ترجيح للمنتخب الإسباني وكان حاسم فيها.
وتأهل المنتخب الوطني المغربي إلى ربع نهائي كأس العالم قطر 2022، لأول مرة فالتاريخ ديالو من بعدما ربح إسبانيا بالبيلانتيات بنتيجة 3 لزيرو فماش بطولي ولعب فيه ياسين بونو دور البطل حيث خلى المرمى المغربية نقية بدون أهداف فالماتش وفضربات الترجيح.