فلجنة المالية..نبيلة منيب كعات وانسحبات بسباب البرلماني لي تحكم فملف جرائم الأموال بمراكش وتشكات: اش هاد التفاهة

نبيلة منيب، البرلمانية الوحيدة باسم الاشتراكي الموحد، كعات على برلماني من الاحرار بسبب كثرة الكلام والثرثرة، وناضت وقفات فاللور وقالت لبعض الموظفين عييت من الجلوس ومن الهضرة ديال هاد خونا.
لي كان كيهضر هو البرلماني يونس بنسليمان، خلال المناقشة التفصيلية لمشروع ميزانية 2023 مساء اليوم بمجلس النواب، لي عاد تحكم فملف جرائم الأموال بمراكش بتهم تتعلق بغسل اموال كوب 22.
بنسليمان برر ارتفاع الاسعار بالعودة الى تاريخ عام البون وعام الجراد، وقال دبا العكس المواد الاساسية موجودة ماشي بحال عام البون لي كان فيه المغربي كيبيع ارضو باش يضمن القوت اليومي.
وحسب ما شافت "كود" منيب طلع ليه الدم من هاد البرلماني، وقالت في حديث ثنائي مع بعض الموظفين، هاد التبرير والدفاع على الحكومة بزاف.
بنسليمان كثر فلغة الخشب وقال بأنه مبغاش يدير الشعبويىة واخا كيعرف لهاد اللغة. هادشي خلا منيب تنحسب وتقول اش هاد التفاهة وهاد النقاش.
برلمانية اخرى من البي جي دي تاهي انسحبات وقالت اش هاد المستوى فالنقاش لي دخلنا فيه هاد البرلماني.