"الفيفا" سبق افتتاح المونديال بيوم باش تلعبو قطر

قرر الاتحاد الدولي لكرة القدم تغيير الموعد ديال انطلاق افتتاح منافسات كأس العالم قطر 2022، بحيث تم تقديم الانطلاقة بيوم واحد.
وأعلن الإتحاد الدولي "الفيفا"، أنه تم بشكل رسمي التغيير ديال موعد الافتتاح بالتقديم ديالو ليوم، باش يكون 20 نونبر 2022، بدل 21 من نفس الشهر، وهو الموعد لي كان محدد من قبل.
وغتقام إذا المباراة الافتتاحية ديال مونديال قطر 2022، يوم 20 نونبر على أرضية ملعب البيت، وغتجمع عن المجموعة الأولى المنتخب القطري مستضيف البطولة بمنتخب الاكوادور.
وجاء تقديم افتتاح كأس العالم بيوم واحد على الموعد ديالو السابق، باش يلعب المنتخب القطري مول الأرض، أول مباراة فالمونديال لي غيكون فالملاعب ديالو، حيث فالبرنامج السابق كان المنتخب السنغالي والهولندي هما لي غيفتاتحو كأس العالم فالمباراة لي كانت غتبدا مع منتصف النهار ديال المغرب، وهاذ الأمر ما شي عادي بحيث كتنص الأعراف ديال المونديال خلال النسخ الأخيرة على أن البلد المستضيف هو لي يفتتح التظاهرة، من بعدما كانت كتنص من قبل على أن المنتخب المتوج باخر نسخة هو لي يفتتح النسخة الجديد.