بسبب الغلا ديال المازوط وليصانص.. الحكومة : دعمنا 180 ألف عربة ب1.4 مليار درهم ف3 شهور وكنفكرو نزيدو فالدعم

حكومة اخنوش، مقلقة من هاد الارنفاع الصاروخي فاسعار المحروقات، وأكدت اليوم بلي غادي تزيد فدعم لمهني النقل.
وحسب التصريح ديال مصطفى بايتاس، الناطق الرسمي باسم الحكومة فندوة اليوم الخميس بالرباط، فإن " دعم مهني النقل، تعطا ف 3 اشهر"، ودبا كيدروس كيفاش يعطيو دعم أكبر يتناسب مع هاد الزيادات.
ولحدود اللحظة دعمات الحكومة 180 الف عربة،. 90 في المائة استفدوا في ابريل، و85 في المائة في شهر ماي. التكلف تقريبا 1.4 مليار درهم التي تم ضخها في الدعم".