اللي زرعو ليه قلب خنزير مات. عاش شهرين وطبيبو: بين على شجاعة وكان يتمنى يرجع لكلبو فدارو

الراجل اللي زرعو ليه قلب خنزير معدل وراثيا مات. دوز شهرين بهاد القلب قبل ما يودع. هاد المواطن الميريكاني اللي اسمو دافيد بينيت واللي عندو 57 سنة كان عندو مرض قاتل فالقلب.
وقبل شهرين كيف قلنا خداو اطباء جامعة ميريلاند على ترخيص خاص لزرع اول قلب خنزير معدل وراثي على انسان. دافيد كان غيموت غيموت وعائلتو وهو وافقو.
بعد ما دارو ليه العملية بقى مع عائلتو وقيتة وكان يحلم يرجع لكلبو فدارو. غير بعد ايام من العملية قال اطباؤو باللي حالتو ساءت وباللي بين على شجاعة وشهامة كبيرة حتى مات
ولد الراحل شكر الاطباء "حنا ممتنين ليهم. الفكرة كانت جديدة. كل شجاع عندو حلمو. شكر خاص لكل من سهر على انجاز هاد العملية التاريخية"
الطب فالعالم كان يتسنى نجاح هاد العملية. كثار كيموتو حقاش ما كيكونش قلب باش يقدرو يزرعوه. فامريكا بوحدها كاين 100 الف مواطن كيتسناو دورهم. فيهم 17 شخص كيموتو يوميا