مصدر جامعي ل"كود": مكان حتى شي اعتداء على لقجع وخاليلوزيتش مزال فبلاصتو

نفى مصدر من الجامعة الملكية المغربية لكرة القدر، نفيا قاطعا، الأخبار اللي كيتم الترويج لها بخصوص تعرض رئيس الجامعة فوزي لقجع لاعتداء من طرف الحارس الرابع لمرمى المنتخب المصري بعد نهاية الماتش اللي جمع "أسود الأطلس" ب"الفراعنة".
مصدر جامعي أوضح ل"كود" أن ما تداوله غير صحيح، مشيرا بالقول: "الصحفي الفرنسي ديال "ليكيب" مكانش حاضر غير عاودليه مصور، وكان غير نقاش بيناتهم وماشي اعتداء.
واضاف نفس المصدر: حكيمي كان بحالا مناگر مع مساعد كيروش فالتيران وشافو لقجع لابس التوني لحمر وسحابلو من المنتخب وهنا بدا النقاش.. وكيروش والمساعد ديالو وشي مسؤول اداري اخر جاو عند اللعابا للڤيستيير واعتاذرو ليهم وللقجع.
وفردو على الأخبار اللي كتتحدث عن قرب إقالة مدرب المنتخب الوطني المغربي، وحيد خاليلوزيتش، بسبب إقصاء المغرب من دور ربع نهائي كأس أمم إفريقيا، قال مصدر "كود" أن وحيد مزال فبلاصتو لحدود الساعة.
وقال المصدر الجامعي أنه فاش غايرجع المدرب وحيد للمغرب غادي يتم عقد اجتماع كالعادة معه لتقييم المشاركة فكأس إفريقيا.
وللاشارة، الكاف دارت تقرير قالت فيه انه ماكان لا اعتداء ولا ضرب. عكس شنو كتب صحفي ليكيب اللي كيف ذكرنا مكانش حاضر.