مشاهير انتسكَرام كيتحداو السلطات. قبيبو وصحابو دايرين حفلة كبيرة بلا تباعد بلا ماسك وزايدينها بلايف

واش امسوان فيها شي حد لي مراقب ولا والو. البارح واحد السيد مشهور في انستكَرام سميتو فؤاد قبيبو حط فيديوهات ديال النشاط مكين لا تباعد لا كمامة لا يديك لا يخليك.
الفيديو لي حط فؤاد كيبان 30 واحد ووحدة ملاصقين شي حد شي ومدكوكين في بلاصة مظلمة وعايشين الحياة بالطاسة والقرطاسة.
بكل صفاقة وقصوحية الوجه نشر فؤاد الفيديوهات وكتب على واحد فيهم "ناري على بلاصة". لي شاف الفيديوهات يفكروه أيامات "boom" لي كانو كيديروهم صحاب الاعداديات من 3 حتال 6 العشية.
هاد السيد ولي معاه خرقو القانون ومطبقوهش وخاصهم يتعاقبو اشد عقاب حيت بتصرفاتهم الصبيانية غادي يزيدو ينشرو المرض لي تسبب في اغلاق الحدود ومنع بزاف المغاربة يجيو ولا يخرجو من بزاف البلدان.