كارثة. 4 دالشباب من ميسور غراقو فقادوس ديال الواد الحار بين مليلية وبني انصار.. كانو باغيين يحرگو منو

ربعة دالشباب كينحدرو من ميسور، وكانوا مشاو لجماعة بني انصار اقليم الناظور، باش يحركو لمليلية، ماتوا هاد لعشية فقادوس ديال الواد الحار.
مصادر كود قالت أن الشباب أعمارهم بين 20 و 25 عام، ودخلوا فقادوس دالواد الحار من بني أنصار، باش منو يدوزو لمليلية حقاش شبكة تصريف المياه العادمة مشروكة، ولكن للأسف القادوس لي دخلوا فسه كان عامر فواحد القنت وغراقوا لداخل.
هاد الطريقة ديال لحريك من لقوادس بدات هادي سنوات، وكيستعملها الاطفال والشباب لي كيجيو من مختلف المدن المغربية، ولكن هادي اول مرة غاتوقع فاجعة بحال هادي ويموتو ربعة دالشباب بسباب البحث عن لقمة العيش.