خبير: عشرات مرضى "كوفيد 19" فالطاليان تعالجو ببلازما دم الناس اللي تشافاو

قال ماسيمو فرانشيني، رئيس قسم المناعة بمديرية الأوبئة في إيطاليا، بللي عشرات المصابين بفيروس كورونا المستجد "كوفيد 19" تعالجو بفضل يباري بلازما دم الناس اللي تشافاو.
وأضاف الخبير الإيطالي، فتصريح ليه للصحافة اليوم الثلاثاء، بللي هذ البلازما علاجا فعال للمصابين بالفيروس، وتم استعمالها فمختلف السبيطارات الإطالية، خاصة فالشمال.
وقال بلي البلازما حققات نتائج مزيانة فوقت قصير، حيت بعد يومين من بدء العلاج تحسن الوضع الصحي للمرضى اللي كانت حالتهم خطيرة وتستدعي دخول أقسام العناية المركزة ، حتى تشافاو فاللخر.
وكشف بللي السلطات بدات كتجمع عينات من دم الناس اللي تشافاو من كورونا، باش تعالج بيها المصابين.
وكتستغرق عملية التبرع بالبلازما 45 دقيقة، كيتصفى فيها الدم باش يتم استخلاص البلازما، والباحثين فالطاليان كيديرو دراسات باش يثبتو لأي حد فعالة للقضاء على كورونا