من عرض الأزياء للتمثيل للغنا.. فاتي جمالي مامفاكاش والجمهور: لي مالقى مايدير يمشي للغنا وا غير بعدي عليه راه ماعندك صوت -فيديو وتصاور

عارضة الأزياء فاتي جمالي لي عندها لقب مليحة العرب حققات البارح حلمها ودخلات عالم الغناء بأغنية سميتها “غلطة كبيرة”، وكيف قلنا سابقا، كلشي كاين إلا الصوت.
فاتي لي دخلات عالم التمثيل بالمعرفة وباك صاحبي وبلاما تكون عندها لا موهبة لا قراية لا والو، جبدات على راسها النحل والتعاليق في الكليب أغلبها كان فيها انتقادات.
وكتبو المعلقين “الغلطة الكبيرة هي دخلت سمعت هاد الزفت” و”أغاني ديال الكيلو” و”الغلطة الكبيرة هي فاش غنيتي” وزيد وزيد.
كلمات الأغنية مبتذلة وركيكة. الحاجة لي تحسب لها أن الفيديو كليب مخدوم تقنيا مزيان، اما ما تبقى فخاص إعادة النظر.