معرض مدريد للسياحة. لمغاربة جايين ب150 عارض و27 شركة باش يهزو عدد سياح الصبليون الى اكثر من 2.5 مليون

البارح كان افتتاح الدورة 40 من المعرض الدولي للسياحة بمدريد. افتتاح دارتو ملكة اسبانيا ليتيسيا اللي بقات مع السفيرة المغربية بمدريد كريمة بنيعيش والمدير العام للمكتب الوطني للسياحة عادل الفقير قرابة 5 دقايق وخدات كادوات. هاد الالتفاتة اللي ما دارتهاش مع اورقة اخرى وسولات على الملك محمد السادس وعلى لبلاد.
هاد الرواق كبير مقارنة بدول بحالنا فيه 313 متر مربع وحاضر فيه 150 مهني وفاعل فالقطاع كيمثلو المراكز الجهوية للسياحة ولوطيلات ووكالات الأسفار. حاضرة فيه 27 من الشركات العارضة موزعة ما بين شركات الملاحة الجوية والبحرية ومجموعات الصناعة التقليدية٬ كما يحضر فهاد المعرض 10 من الجهات 12 ديال لبلاد.
هاد المعرض الثاني فالعالم بعد برلين كيجيوه سنويا 250 الف شخص فيهم بزاف بزاف المؤثرين فهاد العالم وفيه كتحضر 165 دولة
محمد الصوفي مندوب المكتب الوطني للسياحة بمدريد قال لوكالة المغرب العربي للانباء ان هاد المشاركة المغربية بهاد الوزن مردها ان اسبانيا هي “ثاني سوق بالنسبة للمغرب بعد فرنسا مشيرا إلى أن حوالي 5 . 2 مليون سائح إسباني زاروا المملكة في عام 2018 بزيادة قدرت نسبتها ب 6 في المائة مقارنة بسنة 2017 .
كما اكد الصوفي ان هذه مشاركة باغية تبين المؤهلات السياحية الوطنية والتنوع والمدى الواسع والمتعدد للعروض السياحية التي تقدمها وجهة المغرب بمختلف إمكانياته ومؤهلاته لاسيما القرب والأمن إلى جانب البحث عن آفاق جديدة لتنمية وتطوير الشراكات وبالتالي المساهمة في تكريس المغرب كوجهة سياحية معروفة في العالم .