عندو زهر كيهرس الحجر.. مشا تعالج من كونصير وربح فلوس صحيحة في القمر

واحد سيد مريض بالكونصير في ميريكان كانت عندو الويكاند آخر حصة ديال العلاج بشيميو. وقبل ما يمشي السبيطار دخل يلعب اليانصيب وهو يربح فلوس صحيحة.
القصة وما فيها أن روني فوستر شرا بطاقة ب10 دراهم وربح مقابل ديالها 50 درهم، شوية زعم وزاد شرا تذاكر أخرى، وهنا المفاجأة بعدما ربح 200 ألف دولار.
وقال الفائز “مفهمش شنو وقع، شفت بزاف الأصفار، ملي عرفت راسي ربحت فرحت وبديت كنترعد. كان نهار استثنائي كملت علاج الكونصير وفي نفس الوقت ربحت الفلوس”.
وأكد فوستر أن جزء من هاد الفلوس غادي يحيد بيه الكريدي ديال العلاج، وقال أن الفلوس غادين يسهلو عليه حياتو بزاف.