علاش ما تكونش الشجاعة عند وايحمان ويدي السكر ويرمي العار على الباشا اللي ضربو ويعتاذر

وايحمان ضرب بكروشي عون سلطة فمعرض التمور
Publiée par GOUD sur Dimanche 27 octobre 2019
احمد وايحمان اللي نصب راسو مدافع ضد كل اشكال التطبيع مع اسرائيل داخل المملكة ضرب باشا بارفود بكروشي. جا يحتج على مشاركة ما اعتبره اسرائيل فمعرض التمور وهجم على الباشا وضربو بكروشي.
ما كانتش عندو الشجاعة باش شافوه وضرب راسو باش يبان مضروب. فيديو شوهو وفضح كلشي.
دابا متابع فحالة اعتقال ومحاكمتو يوم الخميس المقبل. اعتداء فاضح على رجل سلطة وانسان. كون كان مناضل بصاح يعتارف اولا بجرمو. تكون عندو الشجاعة ويقول اييه ضربت.
دابا خاصو تكون عندو اخلاق لعروبية ويطلب من عائلتو تهز السكر ولا الدبيحة وتمشي عند الباشا اللي مهرس نيفو ويرمي العار ويعتاذر ويطلب السماحة.
كنظن الدولة تقدر تقبل المسامحة. المزايدة غادية تغرقو. راه كاين فيديو فهاد الشي