برنامج “Le Meilleur Pâtissier” مخصص حلقة على الحلاوي المغربية

البرنامج الفرنسي “Le Meilleur Pâtissier ” لي كيدوز كل يوم أربعاء على قناة M6 مخصص حلقة السيمانة الجاية للحلويات المغربية.
وجا في اعلان الحلقة لي دازت أن المتسابقين غادي يكون عندهم تحد مختلف وطبخ مختلف. ومعروف على أن الفرنسيين والسياح من العالم كيعشقو الماكلة ديالنا.
البرنامج في الموسم ديالو سادس فيه مشاركين من العالم وعندهم جنسيات مختلفة، وطبعا بينهم مغربي اسمه محمد، لي بين في أكثر من تحدي أنه كيصوب الحلويات مزيان.
واستغل فرصة الطبخ المغربي باش يدوي بالعربية، وقال في الفيديو الترويجي “ذوقي الواليدة”.
نتسناو الحلقة السيمانة الجاية ونشوفو كيفاش غادي كون القضية.