بعد فضيحة الحب فباريس.. قيادات فالبيجيدي كيقولو للوزير يتيم: ساعتك سالات خصك تقدم الاستقالة

القيادات ديال حزب العدالة والتنمية ومنهم اعضاء فالامانة العامة معجبهومش تصرف لي دار محمد يتيم، وزير التشغيل في حكومة العثماني، حيث اغلبهم باغينو يقدم الاستقالة.
واخا كاينين هاد الأصوات لي كطالب يتيم بالاستقالة من الأمانة العامة لحزب المصباح، ولي كتعني بطبيعة الحال خصو يهز قلوعو حتى من الحكومة، هادشي يتيم داير بحال الى مكاين ومشا دار نشاط فالوزارة ديالو بحال ما وقع والو.
حتى التوحيد والاصلاح غادير مسطرة مساءلة محمد يتيم على تصرف لي دار ولي شوه تاريخ من الخطاب الوعظي والدعوي لي كان كيمارسو يتيم فهاد الحركة.