بالفيديو: لقينا اللي شوهنا فماتش البارصا فطنجة =ها صورتو مع الفيديو

https://www.facebook.com/goudmag/videos/321552661722883/
علمت “كود” أن مول القميجة البيضا اللي شوهنا البارح الأحد وجر ميسي بيدو وبغى يتصور معاه بزز فنهاية السوبر بين البارصا وإشبيلية بملعب طنجة ماشي مستشار جماعي ولكن غير كيشبه ليه.
لحد الان ما معروفش هذا اللي كلشي قال فالأول باللي كيشبه لمستشار جماعي بطنجة عن حزب الاتحاد الدستوري وطلع ماشي هو.
الفضيحة هو كيفاش وصل لهاديك المنصة اللي كانت للوزراء والشخصيات المهمة بزاف. ما عندو علاقة حتى بشي حاجة. شوهنا بزاف بزاف.
وحسب معطيات حصلت عليها “كود” فان هاد الشخص قد يدعى الريفي ومعروف ديما كيدخل للماتشات فالرباط وطنجة وكيكون فالمنصة الشرفية بلا مناسبة. مصدر من المنصة الشرفية قال ل”كود” “هادا ما كانش فالشوط الاول. دخل فالشوط الثاني وبقى كيقول للناس سمح لي سمح لي ومع الادب ديال الناس فالمنصة الشرفية لقى راسو كيسلم على ميسي بعد الماتش”.
“كود” سولات بزاف من المنصة الشرفية حتى حد ما عرفو.