عاجل. الفيفا شدات مغربي لابس تي شورت كيسبها. خداو ليه الباسبور وكيحققو معاه

الفيفا شدات قبل قليل ولد كان لابس تيشورت كينتاقدها على قضية “الفار” =تقنية الفيديو=. لمغاربة كانو طلقو شعارات باش بدا الماتش ضد الفيفا سبوها على اللي دارت. الفضيحة لكبيرة ان الحكم ما استعملش هاد التقنية باش ضربات الكورة فيد بيكي واستعملها فاورجو اللي بيه ماركات اسبانيا التعادل.
وحسب مصدر “كود” الولد مازال مشدود وخداو ليه الباسبور. قبل من هاد الشي وقبل ما يبدا الماتش كانو شدو واحد اخر معاه الشعار وحيدوه ليه.