لمغاربة نوضوها مع بوليس روسيا وكانو غاديين يمشيو للبنيقة وها اللي وقع ليهم من موسكو لكالينينگراد. مصدر من السفارة ل”كود”: 73 وتكلفنا بيهم كلهم

قال مصدر من السفارة المغربية بموسكو ل”كود” ان السفارة حلت مشكلة 73 مغربي كانت السلطان الروسية رفضت السماح لهم بصعود القطار اللي كيربط موسكو بكالينينگراد. احد الركاب كان كتب تدوينة قال فيها ان ما قيل عن القنصليات المتحركة ووو غير كذوب وباللي ما كاين والو.
مصدر “كود” قال انه منذ البارح وهما مع هاد لمغاربة باش يلقاو حل وانهم توصلو في الاخير الى اداء تذكرة الطائرة ذهاب واياب موسكو كاليننكراد لمشاهدة ماتش المغرب ضد اسبانيا.
الروس كانو رفضو يخليو لمغاربة يطلعو وحسب ما اخبرو به السفارة المغربية فالامر يتعلق بعدم توفرهم على فيزا شنكن. ممكن ب”فان اي دي” تدوز على بيلاروسيا وتعاود تدخل لروسيا ولكن ما يمكنش ليك دوز على لاتفيا وليتوانيا قبل ما توصل لكالينينكراد حقاش محسوبين “فضاء شينگن”
وحسب مصدر “كود” فان قطارات روسيا لقات جوج مغاربة سالتين ورجعاتهم. هادوك اللي ما خلاوهمش يدخلو تكفلات السلطات الروسية باش تلقى ليهم اوطيل وكانو غاديين ينوضوها مع البوليس بعدما ما بغاوش يخرجو من شي من بلاصة اللي مشاو ليها على حساب التذاكر. مصدر “كود” قال ان هؤلاء رفضوا يخلصو فرنك واحد واخا الروس دارو ثمن مزيان وهاد الشي اللي خلى لمغاربة يخلصو ذهاب واياب.