“كود” تنشر كاع اللي استامعو ليهم فقضية الصحافي بوعشرين: اللائحة كاملة 15 =مصرحات ومشتكيات= وعدد الشكايات وصلات ل9 وها اخرها

حصلت “كود” على جميع الصحافيات وغير الصحافيات اللي استمعات ليهم الفرقة الوطنية للشرطة القضائية فقضية زلزلت الصحافة بالمغرب ومازال كثير من الصحافيين مصدومين منها حقاش ما عارفينش اش وقع بالضبط٬ تتعلق بقضية مدير نشر “اخبار اليوم” توفيق بوعشرين اللي اعتاقلو كوموندو من شي عشرين بوليسي الجمعة الماضية وبدات التحقيقات مع صحافيات وغير صحافيات بانو فالاشرطة الخمسين اللي قال بيان الوكيل العام باستئنافية الدار البيضاء باللي حجزوها قبل ما يتابعوه باتهامات خطيرة منها “الاتجار بالبشر” واللي تقدر توصل ل30 عام حبس.
“كود” تقدم لكم شكون اللي استامعو ليهم. باش تعلن على الاتهامات اصبح في المتناول الاطلاع على اسماء من استعمت لهم الفرقة الوطنية. حسب ما حصلت عليه “كود” فان المشتكيات والمصرحات هم: اسماء حلاوي وامال هواري واسماء گريمش وحنان بكور وابتسام مشكور وكوثر فال وماريا مكريم ووداد ملحاف وصفاء زروال ووصال طلع ونعيمة لحروري وخلود الجابري وعفاف برناني وانيسة بداح والمرس سارة.
ماشي هادو كلهم قدمو شكاية او صرحو باللي تعرضو لشي شكل من الاعتداءات الجنسية =تحرش وما فوق= بل بانو فالفيديوهات. طبعا ماشي كلهم فيديوهات جنسية. كاين هاد الشي وكاين اللي يقدر يدخل فالتحرش او ما شابه ذلك.
في علاقة بالموضوع٬ حسب مصدر “كود”٬ فان عدد الشكايات وصلات دابا ل9 بعد افادات وداد ملحاف للفرقة الوطنية البارح الثلاثاء. فهاد القضية علمت “كود” ان فيها تحرش ومحاولة اغتصاب. وقبلها كانت كل من لحروري نعيمة وجابري خلود وحلاوي اسماء وبرناني عفاف وابتسام مشكور ووداد ملحاف والمرس سارة والهواري امال وگريمش اسماء. الباقي غير مصرحات