مصدر من البي جي دي ل"كود" : يستحيل يكون تنسيق بين العثماني وبنكيران وهاداك اللي قالو الامين العام السابق كيلزمو غير هو

واش بنكيران نسق مع العثماني ولا دار معاه شي اجتماع وعليه دار ديك الخرجة ديال البارح فالرباط فمؤتمر شبيبة الحزب؟ هاد الشي يستجيل يوقع يستحيل يكون تنسيق يرد مصدر ل"كود" من الحزب. المصدر اوضح "كلشي كيعرف العثماني وكيعرف كيفاش يفكر ما يمكنش يتصرف بحال هاد التصرف".
المصدر اكد ل"كود" ان خطاب بنكيران كيلزم غير بنكيران وان ما عندوش شي تبعات لا على الحكومة والتحالف ديالها ولا على غيرها