بالفيديو الرئيس الفرنسي لمغربية: ما غاديش نكذب عليك ففرنسا كنحميو المهاجرين اللي ما عندهمش الامن فبلادهم ايلى ما كانش عليك خطر رجعي لبلادك

الرئيس الفرنسي تلاقى مع مغربية امس الثلاثاء في الدائرة 10 بباريس اثناء توزيع "ريستو دي كور" على المحتاجين. ماكرون سولاتو مغربية باغية اللجوء السياسي. جوابو كان صادم ليها. السيدة خدات فيزا عادية واش تجارة واش شي عجب اخر ولكن فيزا عادية وباش وصلات عند والديها اللي قالت باللي مراض بغات تبقى تماك. ماكرون قال ليها "ما غاديش نكذب عليك. ففرنسا غاديين نحميو كاع الناس اللي طلبو اللجوء السياسي عندنا وما عندهمش الامن فبلادهم".
ثم اضاف "ما يمكنش نستقبلو كلشي اللي كيجي عندنا بفيزا ديال التجارة ولا ديال الطلبة ويبقى عندنا هنا. نقولها ليك بكل وضوح: خاصك ترجعي لبلادك"
وختم باللي ما يمكنش يعطي لوراق لكاع الناس