واش تحقيق الداخلية توصل لتورط عامل الصويرة فحادث سيدي بولعلام اللي ماتت فيه 15 مرا؟ ها اللي كيقوي هاد الفرضية

واش تحقيق الداخلية اللي اعلنت عنه فاول بيان ليها توصل لتورط عامل اقليم الصويرة فحادث وفاة 15 مرا امس الاحد بسيدي بولعلام؟ هاد الشي اللي كيبان من بيانها اللي مكتوب كتبة ما مقاداش.
بيان الداخلية ليومه الاثنين قال انه "يتم حاليا إجراء تحقيق من قبل النيابة العامة المختصة وكذا من قبل المفتشية العامة للإدارة الترابية".
واضاف في الاخير انه "تطبيقا للتعليمات الملكية السامية المتعلقة بالمحاسبة وبالمبادئ التي يتعين أن تحكم العلاقات بين الإدارة والمواطنين، فإنه سيتم الاستماع الى عامل إقليم الصويرة من قبل القضاء، في إطار التحقيق القضائي الذي فتحته النيابة العامة المختصة، في ظل الاحترام الدقيق للقانون".
هاد البيان عندو قراءات ماشي قراءة وحدة. اللي باين فيها واش كيستفاد منو ان البحث الاداري اللي امرت به الداخلية نهار الحادث =االبارح لاحد= وصل لخلاصات وحدد المسؤولية التقصيرية للسلطة الادارية اللي كيمثلها العامل؟
وهل بعد هاد البحث الداخلية كتقول للنيابة العامة اللي كتحقق فالحادث٬ ايلى كنتو محتاجين للاستماع للعامل راه رهن اشارة القضاء دابا؟
غالب الظن ان هاد الشي اللي كيبان من هاد البيان ديال الداخلية