مسلسل عودة الياس فطائرة المنتخب ما سالاش. من فضايح هاد العودة دا معاه البوشحاتي بلا صفة ورجع فالبيزنس ورئيس الجامعة گلس فالايكونوميك

شي وحدين كيقولو علاش موضوع عودة الياس العماري مع المنتخب المغربي او ترؤسه للوفد =حقاش نزل هو الاول واستقبل استقبال المسؤولين= علاش مهتمين بيه. اييه موضوع مهم بزاف. كيفاش يكون واحد ما عندو حتى شي صفة ويبغي يخطف فرحة شعب كولو. كيفاش الدولة قررات من النهار الاول حتى شي قندوح سياسي ما يحضر للماتش لا وزير لا غيرو ويجي واحد ما عندو صفة ويدير اللي دار.
هاد المسلسل يظهر ان المسؤولية والمحاسبة وبلد المؤسسات غير كذوب وصافي. فهاد المسلسل كاينة امور كثيرة. منها وفق ما عاينته "كود" هو مرافقة الياس العماري =مشى معاه ورجع معاه= البوشحاتي اللي كان رئيس للحسيمة. هاد السي ما عندوش الصفة ما عضو جامعي ما والو. =كان فالسابق= وحتى هو جلس فالمنصة الرسمية نهار الماتش.
باش رجعو فوزي لقجع رئيس الجامعة الملكية لكرة القدم برك فالدرجة الاقتصادية وخلى الياس واللي معاه يجلس فالبيزنس.