واش نايضة بين لملايريات مريم بنصالح وغيثة زنبير؟ على الاستثمار فافريقيا وما عرضاتش عليها فعرس بنتها. زنيبر ل"كود": ما عندي معاها مشكل وغاديين لافريقيا

رئيسة الباطرونا مريم بنصالح متهمة باللي كتاخد غير صحابها ومعارفها للقارة الافريقية في جولات الملك. اتهام اعتبرو مقرب منها ل"كود" ما عندو ساس لكن مصدرا اخر قدم مثالا بغيثة ماريا زنيبر اللي كتحكم فاكبر هولدينك فالمصبرات والمتحكمة ف80 بالمائة من سوق النبيد الاحمر في المغرب "ديانا هولدينگ". المصدر قال باللي نايضة بين زنيبر وبنصالح والسبب ان رئيسة الباطرونا متهمة باقصاء زنبير من زيارات الملك الى افريقيا. يعني تكول ليها باغية تكوني باينة غير بوحدك.
غيثة زنيبر قالت ل"كود" بللي "ما عندها مشكلة مع بنصالح". طبعا كاع السياسيين والملايرية كيقولو نفس الجواب فوضع بحال هادا. بخصوص علاش مازال "ديانا هولدينگ" مازال ما دخلش للسوق الافريقية اوضحت رئيسة الهولدينك ل"كود" انها فمرحلة "ما بعد التفكير" ان مشاو شافو وما بقى ليهم غير يبداو فمرحلة الاستثمار.
توثر العلاقة بين جوج ملايريات ورثو ملايرهم وحدة من بوها والثانية من راجلها بان فالعرس الاخير لزواج بنت بنصالح الجمعة الماضية. غيثة زنيبر ما تعرضاتش لعرس كاع صحابها وحبايبها وحتى اللي مخاصمة معاهم علانية بحال مولاي حفيظ العلمي