لشكر لاعب فالحكومة ولا محرمها واش تصطيتو تاكلوني لحم وترميوني عظم وغادي تشوفو نخاون ليكم الاحرار والحركة الشعبية

ادريس لشكر الكاتب الاول لحزب الاتحاد الاشتراكي تايق فراسو اكثر من القياس. بقى يلعب ويترطى حتى شراها لحزبو وما بقاش داخل حكومة بنكيران. بيانو للي بحالو بحال بيان الاتحاد الدستوري غير زاد شوهو.
لشكر اختار يلعب ويقمر على ورقة التجمع الوطني للاحرار واخا كان كيفاوض بنكيران. هاد الاخير كان صرح انه طلب اسماء وزراء حزبه واتفق معاه وبقى 3 اشهر والسيد ضمن الحكومة ومشى يلعب لعب مع الاحرار وتلاقى عزيز اخنوش رئيس الحزب وقادته بلشكر وصحابو.
دابا لشكر كيهدد. كيكول مع راسو غير ديروني فالحكومة ولا محرمها واش تصطيتو تاكلوني لحم وترميوني عظم وغادي تشوفو نخاون ليكم الاحرار والحركة الشعبية. هادو اكيد غادين يتضامنو معاه ويكولو ليه اسيدي ادريس نزيدو نحرموها على بنكيران. يتوقع يديرو شي حاجة هاد العشية