أسود الفوتسال مشاو عند صاحبهم يوسف جواد للسبيطار باش يطلعو ليه المورال ويخرجوه من جو الحزن بسبب الإصابة

دارو لاعبين المنتخب الوطني المغربي للفوتسال ملي سالاو دومي فينال كأس إفريقيا ضد ليبيا وربحوها وتأهلو للفينال، زيارة لصاحبهم فليكيب ناسيونال يوسف جواد فالسبيطار فالرباط، حيث توعت وما قدرش يكمل الماتش.
لاعبين المنتخب الوطني المغربي للفوتسال، مباشرة ملي سالا الماتش ضد منتخب ليبيا وربحو ب6 لزيرو، مشاو كاملين مع الناخب الوطني هشام الدكيك للسبيطار، باش يشوفو الحالة الصحية ديال صاحبهم يوسف جواد، ويطلعو ليه المورال حيث كيدوز من وقت صعيب بسبب الإصابة، وجاو عدو شاركو معه فرحة التأهل إلى فينال كوب دافريك والتأهل لكأس العالم.
يوسف جواد اللي خرج فالشوط الثاني من ماتش المغرب وليبيا، حيث توعت، غيدير اليوم السبت فحوصات طبية باش يعرف شنو عندو والعلاج اللي غيتبع.