محامي الناصري ل"كود": الوضع الصحي لموكلي كان صعيب بزاف وما كانش قادر على الاستنطاق التفصيلي

قال مهدي الزوات محامي رئيس الوداد البيضاوي سابقا سعيد الناصري ل"كود" ان موكله كان نهار اخر جلسة من جلسات الاستنطاق التفصيلي مريض.
الزوات اوضح ل"كود" "الموكل ديالي سعيد الناصيري ما قدرش يدير الاستنطاق التفصيلي" موضحا ان السبب هو "الوضع الصحي ديالو". واضاف المحامي ل"كود" بللي هاد الوضع "كان صعيب بزاف" وباللي "ما كانش قادرش يركز".
الزوات ذكر فتصريحو ل"كود" باللي :الاطباء ديالو دارو تقارير ورسلوها لطبيبة المؤسسة السجنية" وبللي "هيئة الدفاع راسلات المؤسسات المعنية" ولكن لحد الساعة "مازال ما استاجبوش للطلب ديالو باش يدير البروتوكول العلاجي الخاص لي متبعو مع طبيب فالمركز الاستشفائي الجامعي ابن رشد من قبل ما تبدا هاد المسطرة".
وكانت الجلسة =2= للاستنطاق التفصيلي لقاضي التحقيق مع الناصري فقضية "اسكوبار افريقيا" هادي يومين اي نهار 14 فبراير. المرض ديالو خلاها تأجل ل21 فبراير اي السيمانا الجاية.