تباعت واحد الحامضة بملغ خيالي فواحد المزاد علني فالنكليز بعدما قالو بللي العمر ديالها هو 285 عام. على حساب مقال الجورنال ديال "ديلي ميل" النكليزي، فهاد الحامضة تعرضات فاللول غير بالضحك في المزاد، قبل مايتزايدو عليها وتوصل قيمتها ل55 ألف جنيه إسترليني. القصة ديال الحامضة أن واحد الورثة جاو باش يبيعو شي حوايج ديال عمهم، وفين قلبو لقاو واحد الصندوق فيه هاد الحامضة. من بعد لقاو أن الحامضة كانت هدية لشي واحد معروف في النكليز، وجاتو من شي عائلة هندية فعام 1739.