الإسلاميون فرحانين بهاد اللقاء.. ويحمان تلاقا مع حفيد مانديلا للي دعا لاستقلال الصحراء من المغرب (تصاور)

أحمد ويحمان، المناهض للتطبيع واللي كيقول بلي إيران لا تدعم البوليساريو، تلاقا مع حفيد نيلسون مانديلا، شيف زوليفوليل، للي دعا إلى "تحرير الصحراء الغربية"، باعتبارها "آخر مستعمرة إفريقية"، خلال حفل افتتاح كأس أمم إفريقيا للاعبين المحليين بالجزائر.
العجيب أن اللقاء للي دار ويحمان مع واحد من أعداء الوحدة الترابية، شيف زوليفوليل، كاين لي عجبو الحال فالمغرب. والأمر كيتعلق بقيادي فالبي جي دي عزيز هناوي، الكاتب العام للمرصد المغربي لمناهضة التطبيع.
هناوي، لي هو عضو المجلس الوطني لحزب العدالة والتنمية، بارطاجا فالصفحة ديالو فالفايسبوك مشاركة ويحمان فمؤتمر دولي بجنوب إفريقيا للتضامن مع فلسطين.
سيدنا قال بلي الصحراء هي النظارة باش كيشوف العالم، ولكن شي وحدين معندهمش مشكل يمشيو ويتلاقاو مع داعمي الانفصال، فقط من أجل فلسطين.