فيديو مافيه مايتشاف.. بوليس الهند لاحو جثة واحد السيد في الواد الحار بعدما مات في كسيدة

فواحد السلوك مافيهمش حس الإنسانية، ما لقاو ثلاثة د العناصر ديال البوليس في الهند كيفاش يتعاملو مع واحد الجثة إلا أنهم يرميوها فقادوس ديال الواد الحار، والمشكل أن السيد تعرض لكسيدة.
هاد البوليسيين تفضحو فواحد الفيديو صوروه الناس لي كانو تما، وكيبين كيفاش أنهم هزو السيد مسكين لي تعرض لكسيدة وكان كلو دمايات ولاحوه من فوق القنطرة بلا رحمة ولا شفقة.
هاد الواقعة وقعات في ولاية بيهار لي كاينة في شمال شرق الهند، ودار واحد الضجة كبيرة. وعلى حساب ما قال مسؤول كبير في البوليس لوكالة "أ ف ب" الفرانساوية، فهاد الجثة كانت ديال رجل كبير في العمر، تعرض لحاثة وتقسمات الجثة ديالو على جوج.
هاد المسؤول اعتارف أن التعامل ديال البوليس مكنش مزيان، وقال أنهم ارسلو النص الفوقاني لي فيه الراس للمشرحة، وقلبو على النص الثاني لي كان مدكد في الواد الحار ولقاوه.
Muzaffarpur police in Bihar suspended two home guards and a police driver on Sunday for allegedly throwing some parts of a road accident victim's body into a canal in the Fakuli area!????#Bihar #BiharPolice #India #Shocking #inhumanity #lapse #Fakuli pic.twitter.com/nbIBeNgloA
— ???????????????????? ???????????????????? (@johnynijin) October 9, 2023