ديشان مدرب فرنسا: منح 3 ماتشات من مونديال 2030 للأوروغواي والأرجنتين والباراغواي فيه الفرزيات

ما عجبش ديدي ديشان مدرب منتخب فرنسا مقترح الاتحاد الدولي لكرة القدم بمنح دول أمريكا الجنوبية 3 الماتشات يتلعبو فيها من مونديال 2030، اللي غيتنظم فالمغرب وإسبانيا والبرتغال.
مدرب فرنسا وخلال ندوة صحافية دارها على قبل المنتخب ديالو، عبر على الرأي ديالو بخصوص الثلاثة ماتشات اللي ناوي الفيفا يعطيهم لكل من الأوروغواي والأرجنتين والباراغواي، وأكد ان هذا الشي فيه انحياز لمنتخبات أمريكا الجنوبية.
ووضح ديشان أن المنتخبات بثلاثة اللي غتلعب الماتشات ديالها فتيرانتها غيكون عندها امتياز على حساب المنتخبات الأخرى اللي غتلعب معها، بالإضافة إلى أن الأخيرة خاصها تمشي ديبلاصة حتى لعندها لمسافة طويلة باش تلعب معها.