واش عرفوه فضل المغرب على إسبانيا؟ الإعلام الإسباني زاد فالضغط ديالو على لامين يامال

قرر الإعلام الإسباني يزيد يضغط فقضية نجم البارصا لامين يامال مول 16 عام، اللي من أصول مغربية، وهذا الشي حيث أغلب المؤشرات والمعلومات الأخير المتعلقة باللاعب كتقول انه باغي يلعب للمغرب وماشي لإسبانيا.
هذه المرة جريدة "سبورت" الإسبانية خرجت باش تضغط وقالت أن لامين يامال وبعدما تلقا مع الناخب الوطني وليد الركراكي ومع 2 من المسؤولين د الاتحاد الإسباني الإسباني لكرة القدم، قرر يلعب مع منتخب اسبانيا.
الجريدة أكدت أن مدرب منتخب اسبانيا حاط لامين يامال فلاليست اللي غيعيط عليها الجمعة المقبل، استعدادا لمباراة جورجيا وقبرص ضمن الإقصائيات المؤهلة إلى كأس أوروبا.
من جهة أخرى كلشي كيتسنا اعلان الناخب الوطني وليد الركراكي على لائحة المنتخب المغربي يوم الخميس الجاي، لماتش ليبريا وبوركينافاسو، واش غيعيط على لامين يامال، مع العلم أن بزاف ديال المؤشرات كتقول أن اللاعب اختار المغرب، بالإضافة إلى تصريح مدرب البارصا تشافي هيرنانديز واللي قال غير البارح أنه كيتمنى يلعب يامالا مع إسبانيا ولكن هذا كيبقى قرار ديال اللاعب وخاص يتحتارم.