رامي إمام يطمئن الجمهور عن صحة عادل إمام ويكشف شرطًا لعودة الزعيم إلى الشاشة

كشف المخرج المصري رامي إمام، عن تفاصيل الحالة الصحية لوالده الفنان عادل إمام، متحدثا عن مفاجأة في عودته إلى التمثيل مرة أخرى.
وقال رامي إمام خلال لقاءه مع برنامج «et بالعربي»: "أنا مش محتاج أطلع أطمن الناس على الزعيم عادل إمام كل شوية لانه مفهوش حاجة، احنا طول عمرنا من وقت ما كنت صغير انا واخواتي واحنا بنسمع شائعات عننا وعنه، أما نروح شقة يقولوا عمارة عادل إمام لو بناكل في مطعم يقولوا بتاع عادل إمام فبقينا نتعامل مع الموضوع عادي وطبعا مع الوقت الشائعات بتتغير".
وأضاف: "الناس بتقول أنه اكيد مريض لكن طبعا لا هو كويس جدا جدا جدا وبيستمتع مع أحفاده وهو الشائعات مش بتأثر فينا لأننا متعودين لكن هو شايف ومتابع كل حاجة وساعات بيتأثر بده بس عارف جمهوره كويس ومتفهم أن الحاجات دي طبيعية".
وعن إمكانية عودة عادل إمام للتمثيل مرة أخرى، أكد رامي أن الأمر يعود إلى الأعمال التي تعرض عليه، وبأنه مستعد للعودة، مضيفا "لكن هو مش عايز يكون موجود لمجرد التواجد، فإن شاءالله لو جاله عمل فني حلو فهتشوفوه تاني عادي".