أثار إلياس العماري الجدل مرة أخرى، هذه المرة بحديثه عن "المصاحبة" بين البنات والشباب، حيث لاق سخرية من طرف رواد مواقع التواصل الاجتماعي. وقال العماري في شريط فيديو نشره موقع "هوية بريس" : "الشاب الحي ما عندو باش يشري قهوة، ما عندو باش يشري سروال، ما عندو باش يدير نضاضر ديال رايبن، إذن ملي كتشوفو البنت اللي فالحي، مكتصاحبش معه وكتقول ليه بعد مني أنت ماكتسو والو". وعلق أحد النشطاء على فيديو العماري بالقول "شباب أبشروا العماري لقى الحل لمشاكلكم"، وأضاف آخر "لي بغا يتصاحب ها هي الطريقة السحرية من طرف العماري". ونشر أحدهم تدوينة جاء فيها :"البرنامج الحوكومي ديال البام هو توفير السراويل وتي شورتات ونظارت رايبن للشباب من أجل التصحايب مع بنات الدرب، ها حنا حلينا مشكل التقاعد والمقاصة والتشغيل والمدبونية، بنكيران شحال تعذب والحل ساهل". وكتب ناشط فيسبوكي تعليقا على كلام العماري :"من البرنامج الانتخابي للبام، الدعم المباشر للعاطلين في حدود قهوة في اليوم حتى يوليو كيسواو شي حاجة". وكانت نبيلة منيب، الأمينة العامة للحزب الاشتراكي الموحد، قد قالت سابقا في مقطع فيديو : "فالأحياء الشعبية كتلقا نصف الشباب ضايع، داير لحية وقشابة وهز مصحف وكيقول أنني معنديش حتى باش نخلص القهوة على صديقة ديالي"، وهو ما أثار حنيها ضجة على مواقع التواصل الاجتماعي.
