مواطنة مغربية بالسنغال: الجعايدي دفعني وملكنا تدخل و قالو : خلّيها وآجي صورنا

تواصل صفحة الملك محمد السادس على الفايسبوك مواكبة تنقلات الملك الخارجية عبر نشر صور حصرية يرسلها مواطنون مغاربة يلتقون بالملك.
و خلال جولته الافريقية حاليا ، تحكي مواطنة مغربية تدعى رشيدة تفاصيل لقائها بالملك محمد السادس لمدير الصفحة المذكورة قائلة : " هادي ثاني مرة كانتلاقا مع ملكنا في السنغال داكار، المرة الأولى العام للي فات، كان جالس فالمطعم ومنين دخلت بقا كايضحك، ومن بعد عاد فهمت علاش، حيث كان لباسي عسكري فحال اللباس للي كان لابس ملكنا ".
و أوضحت المواطنة المغربية : " المرة الثانية كانت هاد العام، تلاقيتو فمطعم لاكون1، مشيت عندو ولكن الجعايدي دفعني وملكنا تدخل ودار يدو على كتفي وقال للحارس ديالو: خلّيها وآجي هاك التليفون صورنا، بصراحة ملكنا رد ليا الإعتبار، وهاد التواضع ديالو حقيقة، ملكنا كايبغي شعبو بزااااف" .
و كشفت رشيدة عن موقف طريف بينها وبين والدها: " الواليد ديالي قال ليا نتي كاتصوري غي مع السّبوعة، حيث عندي صور مع أسود إفريقيا، وملكنا سبع رافع راسنا ف العالم، يا ربي تخليه لينا، عزيز وغالي سِيدنا ".