جوج خوتات ماتو بسباب عافية شعلات في البراكة ديالهم نواحي برشيد. عرف دوار أولاد علال بالجماعة الترابية الساحل أولاد حريز ف نواحي برشيد، البارح السبت مع 11 الليل، حادث مأساوي، بعدما شعلات العافية في براكة فالدوار وماتو بسبابها جوج خوتات باقين صغار، فعمرهم 5 سنين و9 سنين، مللي كانو ناعسين فالبركة ديالهم. تفاصيل هاد الحادث لي هز دوار اولاد علال كترجع حسب مصدر "كود"، مللي كانو الطفلتين نائمتين في البراكة العشوائية بالدوار المذكور، وحينت ما كاينش الضو دارو قنينة غاز صغيرة للإنارة وبعدها شدات العافية فالبراكة او ماتو الطفلتين بسباب هذا الحريق، رغم تدخل ساكنة الدوار في محاولة منهم لإخماد النيران وتخليص الطفلتين، إلا أن محاولاتهم باءت بالفشل . المصدر نفسو، قال بللي فور علمها بالخبر حلت عناصر الدرك الملكي وسيارة إسعاف، حيث تم إخماد الحريق من طرف الساكنة وقامت عناصر الدرك بالمعاينات الأولية والإجراءات القانونية، ليتم نقل جتثي الضحيتين صوب مستودع الأموات، من أجل إخضاعهما للتشريح الطبي، لفائدة البحث القضائي، الذي تشرف عليه النيابة العامة المختصة.