زجل : شم يا وليدي شم
شم يا وليدي شم
شم وعرف اش كاين تم
شم وبلا ما تحشم
هدا حقك من الocpالى كنتي كتفهم
********
اسفي مسكينة غارقة في الهم
حتى مسؤول مبغ ينطق مبغ يتكلم
قتلتونا بالبطالة زدتونا السم
جربتوا فينا العجب وحنا بشر ولا غنم???
********
الocpخدام فيه غير البراني
وانا المسفيوي غير الريحة لي عطاني
وانا المسفيوي ولد البلاد كنعاني
عييت من طالب بحقي كلشي انساني
*******
ديرو لاباس ديرو الترفيحة
وحنا صيفطو لينا غير رويحة
هلكتنا وبسبابها مشات الصحيحة
ضعفاتني مصاتني وانت كرشك قد البوصيحة
******
عايش مبرع في حياتك الفيلا كديرا
ناعس كتبختر في الجردة الكبيرا
ما شميتي لا ريحة لا تبخيرا
وانا مكرفس مفقس سقفي قصديرا
*****
مشيت السبيطار نداوي ما بي
زادوني ريحة على ريحة خرجوا علي
تبوقت مزيان حتى واحد ماداها في
ميمتي راه كملات لي القضية
محمد لبزيز(اسفي)