بروح رياضية.. أشرف حكيمي تسامح مع لاعب ضربو

تقبل الدولي المغربي أشرف حكيمي نجم باريس سان جيرمان الفرنسي الاعتذار ديال ابدول صامد لاعب لانس اللي ضربو فالماتش ما بين الفريقين في بطولة فرنسا البارح السبت، وكان ممكن يتسبب له في إصابة خطيرة.
ابدول صامد لاعب لانس تطرد وسط الماتش من بعدما ضرب أشرف حكيمي فالشوفية، واليوم نشر اعتذار على الحسابات ديالو بمواقع التواصل الاجتماعي وطلب المسامحة من جماهير لانس ومن أشرف حكيمي وأكد أنه ما كانش ناوي يوعتو.
الاعتذار ديال ابدول صامد تفاعل معه أشرف حكيمي بشكل إيجابي ونشر النجم المغربي تغريدة على تويتر جاوب فيها، وأكد له أن هذا الشي كيوقع في كرة القدم وتمنى له حظ سعيد.
ولحسن الحظ فالإصابة ديال أشرف حكيمي كانت خفيفة وقدر يكمل الماتش بشكل عادي، وأكثر من هذا فالطرد ديال أبدول صامد ساعد باريس سان جيرمان أنه يربح لانس وسجل عليه من بعد الطرد 3 أهداف.